O día 9 de xullo, antes da entrega de premios da II Media Maratón e 10KM Camiño Inglés – Red Stelar (aproximadamente sobre as 12:30 horas) realizarase un sorteo de 6 pares de zapatillas Joma.
Poderán participar neste sorteo todos os corredores que tomen a saída das probas deportivas da Media Maratón, 10KM, 3KM e 1,5KM. Cada corredor participará co seu número de dorsal. O speaker da proba será o encargado de sacar os seus número premiados.
Os gañadores/as deberán complementar unha folla de datos na mesa de organización da carreira e as zapatillas deportivas serán enviadas aos seus lugares de residencia.
Haberá dous modelos de zapatillas, un modelo unisex para adultos (talla 37 ou superiores) e un modelo para os nenos e nenas (talla 36 ou inferiores).
